Arfer Da
Beth sydd wedi’i wneud?
Corfforaeth Douglas ar Ynys Manaw
Ar hyn o bryd, mae Corfforaeth Douglas ar Ynys Manaw’n gweithio’n aos gyda EnCams (Grŵp Prydain Daclus gynt) ar brosiect sy’n ceisio darganfod sut a pham mae sbwriel yn cyrraedd strydoedd y dref. Bydd hyn o gymorth i’r Gorfforaeth dargedu’r ffynonellau sbwriel yn ogystal â’i lanhau. Tynnodd y gwaith ymchwil sylw at sbwriel sy’n gysylltiedig a smygu, sy’n gryn broblem. Mae’n bwysig atal y sbwriel hwn rha cael ei greu o gwbl oherwydd mae’n anodd ei sgubo gan ei fod yn tueddu i lynu mewn cilfachau a chorneli.
Tueddir i weld y sbwriel hwn yn bennaf wrth ddrysau adeiladau ble mae ysmygwyr yn sefyll yn ystod eu hegwyl i gael sigarét. Mae’r Gorfforaeth yn gofyn i aelodau’r Siambr Fasnach ofalu am eu rhan hwy o’r dref.
Canfuwyd dau ateb llwyddiannus i’r broblem hon, sef drwy ddarparu:
Dyfyniadau
Conka Design
"Comisiynwyd 'Conka Design', cwmni dylunio a datblygu cynnyrch creadigol, i gynllunio amrywiaeth o finiau sigarét gan weithgynhyrchydd o Ferthyr Tudful,
'Design & Manufacture Ltd.' Mae Conka Design yn awyddus i gefnogi’r gwaharddiad
ar smygu ac yn falch bod un o’n cynhyrchion yn helpu i ostwng y 2.25 miliwn o stympiau sigarét sy’n creu sbwriel ar strydoedd Cymru.
www.conkadesign.co.uk"
Roedd Ben Sparks, sy’n gweithio ar stondin flodau ar Ffordd Holloway, Islington, yn fwy na pharod i dderbyn blwch stympiau am ddim. Meddai, "Doeddwn i ddim yn gwybod ei bod yn anghyfreithlon taflu sigarét ar y llawr. Os yw’n cadw’r strydoedd
yn lân, mae o am y gorau. Rwyf yn smygu fy hun ac mae gennyf flwch stympiau yn awr ac rwyf wedi’i ddefnyddio eisoes."
http://www.islington.gov.uk/Council/CouncilNews/PressOffice/2004/12/892.asp
Adeiladau sydd wedi gweithredu i fod yn ddi-fwg cyn y gwaharddiad…
Canolfan Gelfyddydol y Chapter
Penderfynodd Canolfan Gelfyddydol y Chapter y byddai’n troi’n ddi-fwg wedi ymgynghori gyda’r staff a’r cwsmeriaid. Roedd cefnogaeth eang i’r gwaharddiad ar smygu. Cynhaliodd y ganolfan ymgyrch hysbysebu am 3 mis cyn cyflwyno’r gwaharddiad a chreodd batio wedi’i gynhesu yn yr awyr aored gyda biniau a
blychau llwch. Gosodwyd biniau y tu allan i’r fynedfa ffrynt hefyd, i gael gwared ar unrhyw broblemau gyda sbwriel. Roedd Canolfan Gelfyddydol y Chapter yn disgwyl
llai o fusnes wedi’r gwaharddiad ac fe ddigwyddodd hyn am ryw wythnos ond byth ers hynny mae wedi cynyddu’n raddol. Ar y cychwyn canfu’r ganolfan gynnydd yn y sbwriel cysylltiedig a smygu ond nid yw hon yn broblem bellach. Carol Jones, Rheolwr Marchnata, Canolfan Gelfyddydol y Chapter.
Clwb Golff Aberdyfi
Mae Clwb Golff Aberdyfi wedi darparu balconi ar gyfer ysmygwyr gyda phedwar allbost i ysmygwyr – a brynwyd gan y cwmni biniau No Butts. Nid yw wedi cael unrhyw broblemau mawr gyda sbwriel ers cyflwyno’r gwaharddiad a’r biniau. Dywedodd John Griffiths nad oedd yn meddwl bod y gwaharddiad wedi gwneud unrhyw ddrwg i fusnes.
Gwesty Bae Trearddur
Mae Gwesty Bae Trearddur wedi gosod dau fin wal ym mlaen yr adeilad a phum bin annibynnol o amgylch yr adeilad. Dywedodd Lauren o’r gwesty bod cyflwyno’r biniau wedi lleddfu’r broblem o sbwriel cysylltiedig a smygu y tu allan i’r gwesty a bod y busnes wedi gwneud yn dda ers cyflwyno’r gwaharddiad.
Os yw eich busnes chi wedi cymryd camau positif er mwyn cael gwared ar sbwriel cysylltiedig a smygu, byddai Cadwch Gymru’n Daclus yn hoffi clywed gennych!
Pa wybodaeth fyddem yn hoffi ei derbyn?
- Pa gamau gweithredu a gymerwyd gennych?
- Pam ddaru chi benderfynu gweithredu yn y lle cyntaf?
- Pryd ddaru chi ddechrau gweithredu?
- Sut ddaru eich busnes elwa o’r camau gweithredu hyn?
Atebwch y cwestiynau hyn ac anfonwch eich stori, eich enw, eich cyfeiriad a’ch
rhif ffôn drwy ebost at leq@keepwalestidy.org
Ymwadiad
Mae Cadwch Gymru’n Daclus wedi defnyddio’r enghreifftiau uchod gan ymddiried yn yr hyn sy’n cael ei ddatgan ac nid yw, mewn unrhyw ffordd, yn cymeradwyo’r dulliau uchod o gael gwared ar sbwriel cysylltiedig a smygu.
|
.gif)